Монгол Улсын Боловсролын Их Сургууль, БНПУ-ын Вроцлав хотын Дүрслэх урлагийн академи хоорондын хамтын ажиллагааны хүрээнд 2025 оны 04 дүгээр сарын 01-ний өдөр МУБИС-ын багш нарын “Цэнхэр салхи” уран бүтээлийн үзэсгэлэн Вроцлав хотын Дүрслэх урлагийн академид нээлтээ хийлээ. 

Тус үзэсгэлэн нь Монголын нүүдэлчин соёл, дүрслэх урлагийн уламжлалт хэлбэрийг орчин цагийн уран сайхны хэв маягаар харуулсан бүтээлүүдээс бүрдсэн юм.

Үзэсгэлэнгийн нээлтэд Монголын талаас МУБИС-ийн ректор, профессор Ж.Батбаатар, Хөтөлбөрийн албаны дарга Ж.Нармандах, Дизайн зураг зүйн тэнхимийн багш, доктор Г.Одпүрэв нар оролцов.