Орчин үед Хиймэл оюун ухаан (AI) хурдтай хөгжиж, бичсэн кодчиллын дагуу өөрөө өөрийгөө удирдан өгөгдсөн даалгаврыг гүйцэтгэдэг дрон, роботууд ихээр хийгдэх түүнийг бүхий л салбарт турших боллоо.

Энэ цаг үетэй хөл нийлүүлэн МУБИС-ийн Дүрслэх Урлаг Технологийн Сургууль хоёр дахь жилдээ "Дрон, робот кодчилолын улсын АШТ"-ийг Боловсрол судлалын сургуультай хамтран зохион байгуулж шилдэг оролцогчдоо олон улсын тэмцээнд амжилттай оруулцуулж ирсэн юм.

2024 оны Дрон, робот кодчилолын олон улсын тэмцээнд Монголын баг тамирчид амжилттай оролцож ганзага дүүрэн буцаж байна.

2024 оны 11 сарын 23-25 нд Вьетнам улсын Ханой хотод зохион байгуулагдсан тус тэмцээнд Вьетнам, Тайланд, Солонгос, АНУ, Монгол зэрэг 5 улсын 120 гаруй тамирчид оролцоноос Монгол улсын баг дараах амжилтуудыг үзүүллээ.

Үүнд:

ГА аймгийн 1-р сургуулийн сурагч Г.Гэрэлтуяа Дунд ангийн дрон кодчилолын төрөлд Алтан медаль

ГА аймгийн 3-р сургуулийн сурагч Ч.Шинэжаргал, Б. Галбадрах нар дрон кодчилолын дунд ангийн төрөлд мөнгөн медаль

Сэлбэ сургуулийн сурагч Г.Өнөбилэг, Г Сайнцаг нар Ахлах ангийн робот кодчилолын багийн төрөлд тусгай байр

Дунд ангийн робот кодчилолын багийн төрөлд ГА аймгийн 1-р сургуулийн сурагч Г.Гэрэлтуяа, 11-р сургуулийн сурагч Д.Санчирболд, ГА аймгийн 3-р сургуулийн сурагч Ч.Шинэжаргал, Б. Галбадрах нар тусгай байр тус тус эзэллээ.

Амжилттай оролцсон баг тамирчид даа баяр хүргэе.